Дүниежүзілік ғылыми бестселлерлер қолжетімді болды! 2014 жылдан бастап «Қазақ университеті» баспа үйі Springer баспа компаниясының ресми дистрибьюторы ретінде оның өнімдерін ҚР нарығында өндірушінің бағасымен өткізеді. Бұлар – 190 000 кітап және 2900 журналдан астам басылымдар. Өнімді www.springer.com ресми сайтынан таңдап алып, бізге тапсырыс беріңіз. Жеке және көтерме тапсырыс берушілер үшін Қазақстанға жеткізу тегін.

ҚР Ұлттық мемлекеттік кітап палатасының рейтингісіне сәйкес Баспа үйі шығарылған кітаптардың (жылына 450-ден 650-ге дейін оқулықтар, оқу құралдары, монографиялардың) аталымдар саны бойынша соңғы 7 жылда бірінші орынды иеленіп отыр. Кітап палатасының рейтингісіндегі көшбасшылық – көп жылдық орасан еңбегіміздің жемісі. Қазақстандағы барлық кітап өнімдерінің 10 %-ы біздің баспамыздың үлесіне тиесілі.

2020 жылы Баспа үйі аударма мен жариялау бағытында Қытай Реньминь университетімен (Renmin University of China) ынтымақтастығын бастады. 2020 жылы Реньминь университетінің президенті Лю Вэй мырзаның «Қытай экономикасының тығырықтан шығар жолы» кітабы қазақ тіліне аударылып жарық көрді.